සසල සිතුවිල්ලකි නුඹ....
Friday, February 28, 2014
මං බහින්නෑ ; රාජ්‍ය නාට්‍ය උළෙලේ අවසන් වටයට....
ශ්‍රී පාලි මණ්ඩපයේ අවසන් වසරේ නාට්‍ය හා රංග කලාව හදාරන විද්‍යාර්ථියෙකු වන ක්‍රිශාන්ත ජයබාහු සහෝදරයාගේ නිර්මාණයක් වන මං බහින්නෑ කෙටි නාට්‍යය මෙවර රාජ්‍ය නාට්‍ය උළෙලේ අවසන් වටය නියෝජනය කළ අතර එය පෙබරවාරි 24 වනදා සවස මරදාන ටවර් රඟහලේදී වේදිකා ගත කෙරුණි.
ක්ෂිතිජ නිම්නයෙන් ඔබ්බට....
කොළඹ විශ්වවිද්‍යාලයේ ශ්‍රී පාලි මණ්ඩපයේ රූපවාහිනී මාධ්‍යය හදාරන 2009/2010 ශිෂ්‍ය කණ්ඩායම විසින් සංවිධානය කළ "ක්ෂිතිජ නිම්නය" ඒකාංගික ටෙලි නාට්‍ය දැක්ම පසුගිය 20 වනදා ශ්‍රී පාලි මණ්ඩපයේ අරුන්දතී ශාලාවේදී පැවැත්වුණි. එම අවස්ථාව සඳහා ප්‍රධාන අමුත්තා ලෙස ප්‍රවීණ රංගන ශිල්පී අමරසිරි කලංසූරිය මහතා සහභාගි වූ අතර ධර්මසිරි බණ්ඩාරනායක, බර්ට්‍රම් නිහාල් යන මහත්වරු ඇතුළුව ශ්‍රී පාලි මණ්ඩපයේ කථිකාචාර්ය මණ්ඩලය සහ අනෙකුත් වසර වල විද්‍යාර්ථීන්ද සහභාගි විය.
මෙම ටෙලි නාට්‍ය දැක්මට පෙර එදින උදෑසන පටන් ප්‍රවීණ අධ්‍යක්ෂ චාමර ජනරාජ පීරිස් මහතා සහ ප්‍රගීත් ප්‍රසන්ජය යන මහත්වරුන්ගේ සහභාගිත්වයෙන් රූපාවාහිනීකරණය සම්බන්ධව වැඩමුළුවක් පැවත්වුණු අතර එම ක්ෂේත්‍රයට පිවිසීමට බලාපොරොත්තුවෙන් සිටින සහ එම ක්ෂේත්‍රය පිළිබඳව හදාරමින් සිටින මෙම මණ්ඩපයේ විද්‍යාර්ථීන්ට එම වැඩමුළුව තුළින් ලබාගත හැකි වූ දැනුම අතිමහත්ය. එසේ පැවති වැඩමුළුවෙන් අනතුරුව පස්වරු 6 ට පමණ "ක්ෂිතිජ නිම්නය" ඒකාංගික ටෙලි නාට්‍ය දැක්ම ආරම්භ විය.
මෙම ටෙලි නාට්‍ය දැක්මට පෙර එදින උදෑසන පටන් ප්‍රවීණ අධ්‍යක්ෂ චාමර ජනරාජ පීරිස් මහතා සහ ප්‍රගීත් ප්‍රසන්ජය යන මහත්වරුන්ගේ සහභාගිත්වයෙන් රූපාවාහිනීකරණය සම්බන්ධව වැඩමුළුවක් පැවත්වුණු අතර එම ක්ෂේත්‍රයට පිවිසීමට බලාපොරොත්තුවෙන් සිටින සහ එම ක්ෂේත්‍රය පිළිබඳව හදාරමින් සිටින මෙම මණ්ඩපයේ විද්‍යාර්ථීන්ට එම වැඩමුළුව තුළින් ලබාගත හැකි වූ දැනුම අතිමහත්ය. එසේ පැවති වැඩමුළුවෙන් අනතුරුව පස්වරු 6 ට පමණ "ක්ෂිතිජ නිම්නය" ඒකාංගික ටෙලි නාට්‍ය දැක්ම ආරම්භ විය.
Wednesday, February 12, 2014
ශ්‍රී පාලියේ නව අධ්‍යයන වර්ෂය 17 වෙනිදා ඇරඹේ.....
කොළඹ විශ්වවිද්‍යාලයේ ශ්‍රී පාලි මණ්ඩපයේ නව අධ්‍යන වර්ෂය මෙම මස 17 වෙනිදා ඇරඹීමට නියමිතය.ඒ අනුව පසුගිය අධ්‍යයන වර්ෂයේ දෙවන සෙමෙස්තරයේ විභාගයෙන් පසු ආරම්භ වූ නිවාඩුව මේ සමඟ අවසන් වේ.
ඉගිලෙන මාළු සහ ඉගිලෙන්නට පෙර තටු කපා දැමූ යථාර්ථය
විමුක්ති ජයසුන්දරලාගේ, අශෝක හඳගමලාගේ පරම්පරාවේ අලුත්ම අනුප්‍රාප්තිකයා වන්නේ සංජීව පුෂ්‍පකුමාරය. මක්නිසාද යත් අශෝකලා මෙන් විමුක්තිලා මෙන් ඔහුත් ඇත්ත කතා කළ නිසාය. එසේ ඇත්ත කතා කළ නිසා ඔහුට සිදු වූයේ සිය ඉගිලෙන මාළුවෝ නම් සිනමා නිර්මාණය රසික ජනතාව අතරට ගෙන යාමෙන් වැළකී සිටීමට හෙවත් එම චිත්‍රපටය මෙරට තුළ වාරණයට ලක්කර ගැනීමටය.
සංජීව පුෂ්‍පකුමාර සිය ඉගිලෙන මාළුවෝ නම් සිනමා ආඛ්‍යානය තුළින් සාකච්ඡා කිරීමට උත්සාහ කොට තිබුණේ හමුදාවක් ගමක ස්ථානගත කිරීම නිසා සිදුවන සමාජීය බලපෑම් විවරණයට ලක්කිරීමය. එහිදී ඇත්ත නොසඟවා එය සත්‍ය ලෙසින්ම ඉදිරිපත් කිරීමට සංජීව පුෂ්‍පකුමාර දැරූ උත්සහය මෙකී සිනමා නිර්මාණය මෙරට තුළ වාරණය වීමට බලපා ඇති මූලිකම හේතුවයි. එහිදී මූලිකවම මෙම චිත්‍රපටය තුළින් හමුදාවට අපහාසයක් සිදුවුණාය යන අර්ථයෙන් මෙය වාරණයට ලක්වී තිබේ. කෙසේ නමුත් මෙය පසුපස ඇත්තේ නූතන මහින්ද රාජපක්ෂ ආණ්ඩුවේ දේශපාලන වැඩපිළිවෙලේ අරමුණු සාධනය කිරීම බව මෙහි යථාර්ථය විමසා බලන ඕනෑම කෙනෙකුට පෙනේ.
Subscribe to:
Posts (Atom)